ek bar apna zarf-e-nazar dekh lijiye phir chahe jis ke aib-o-hunar dekh lijiye kya jaane kis maqam pe kis shai ki ho talab chalne se pahle zad-e-safar dekh lijiye ho jaega khud aap ko ehsas be-rukhi gar aap mera zakhm-e-jigar dekh lijiye sab ki taraf hai aap ki chashm-e-nawazishat kash ek bar aap idhar dekh lijiye tare main tod launga aakash se magar shafqat se aap bazu-o-par dekh lijiye jamhuriyat ka dars agar chahte hain aap koi bhi saya-dar shajar dekh lijiye ho jaegi haqiqat-e-shams-o-qamar ayan un ko nigah bhar ke agar dekh lijiye ye barq-e-hadisat bhi kya zulm dhaegi uthne lage gulon se sharar dekh lijiye 'ajiz' chali hain aisi tassub ki aandhiyan ujde hue nagar ke nagar dekh lijiye