ek bar mohabbat mein ye dil jo tut gaya so tut gaya
mala mein piroya sau moti jo chhut gaya so chhut gaya

dil aisa nazuk shisha hai ye phir se na joda jata hai
ek bar kisi ke hathon se jo tut gaya so tut gaya

ulfat ka muqaddar bhi zalim bas bulbule jaisa hota hai
ye bulbula ban kar pani par jo phut gaya so phut gaya

ek bar hi joda jata hai ek dil se rishta ek dil ka
wo khwab na phir se aata hai jo tut gaya so tut gaya

be-mani shikayat aur shikwe hathon ka malna be-mani
ek bar wafa ki rahon mein jo lut gaya so lut gaya