ek hum hi to nahin aabla-pa aawara
nighat-e-gul bhi hui baad-e-saba aawara

ye kahin umr-e-guzishta to nahin tum to nahin
koi phirta hai sar-e-shahr-e-wafa aawara

kaun manzil ki khabar de kise manzil ki khabar
rah-rau aabla-pa rah-numa aawara

dil dhadakta hai sar-e-sham ki guzrega abhi
wadi-e-shab se koi naghma-sara aawara

ab koi kis se kahe kaifiyyat-e-zakhm-e-bahaar
sabza begana hai gul chup hain saba aawara