ek nadi ki dhaar ka le kar sahaara aa gae sari duniya ghum k tujh tak dobara aa gae kyon achanak nind in aankhon se ghaeb ho gai aap khwabon mein kise de kar ishaara aa gae dosti mein khel matlab ka nahin khela gaya so isi rishte mein hum le kar khasara aa gae wo hamara aks tha hum se juda hota kahan karke ghar k aainon se hum kinara aa gae us ne ek ek lafz se sara badan chhalni kiya soch kar ummid ka hai dosh sara aa gae aur phir kya haarne ko ishq mein baqi raha khud ko jab pahli dafa kar k tumhaara aa gae