ek nai shan se phir jashn-e-bahaaran hona
gulistan tujh ko mubarak ho bayaban hona

phul ke rup mein kanton ne hamein pala hai
hum ko aaya na kabhi gham se pareshan hona

mere ashaar ne pighla din kisi ki aankhen
ek but ko bhi mayassar hua insan hona

rampur ai mere tahzib-o-tamaddun ke dayar
ho mubarak tujhe urdu ka dabistan hona

hum ne saunpi hai unhen apni hifazat ai 'hosh'
jin ko aaya nahin khud apni nigahban hona