ganw mein ab ganw jaisi baat bhi baqi nahin yani guzre waqt ki saughat bhi baqi nahin titliyon se halke phulke din na jaane kya hue jugnuon si timtimati raat bhi baqi nahin muskurahat jeb mein rakkhi thi kaise kho gai haif ab ashkon ki wo barsat bhi baqi nahin but-parasti shewa-e-dil ho to koi kya kare ab to kabe mein hubal aur lat bhi baqi nahin chhat pe jaana chand ko takna kisi ki yaad mein waqt ke daman mein wo auqat bhi baqi nahin