gar mere but-e-hosh-ruba ko nahin dekha us dekhne wale ne khuda ko nahin dekha rahbar se gharaz kya hai jo manzil nazar aae kabe mein kahe qibla-numa ko nahin dekha jis shakl se hanste hain mere haal pe ahbab rote hue yun ahl-e-aza ko nahin dekha itna to bata de mujhe ai naseh-e-mushfiq dekha hai ki us mah-laqa ko nahin dekha jab 'dagh' ko dhundha kisi but-khane mein paya ghar mein kabhi us mard-e-khuda ko nahin dekha