ghaalib ki ye dil-e-khasta shab-e-hijr mein mar jae
ye raat nahin wo jo kahani mein guzar jae

hai turfa muftin-nigah is aaina-ru ki
ek pal mein kare sainkadon khun aur mukar jae

ne but-kada hai manzil-e-maqsud na kaba
jo koi talashi ho tera aah kidhar jae

har subh to khurshid tere munh pe chidhe hai
aisa na ho ye sada kahin ji se utar jae

yaqut koi un ko kahe hai koi gul-e-barg
tuk hont hila tu bhi ki ek baat thahar jae

hum taza shahidon ko na aa dekhne nazan
daman ki teri zah kahin lohu mein na bhar jae

girye ko mere dekh tak ek shahr ke bahar
ek sath hai pani ka jahan tak ki nazar jae

mat baith bahut ishq ke aazurda dilon mein
nala kaso mazlum ka tasir na kar jae

is warte se takhta jo koi pahunche kinare
to 'mir'-e-watan mere bhi shayad ye khabar jae