ghar to lutta hai magar hum ko mitane wale
kaun se des se laenge zamane wale

dhup bakhshi hai to phir saya-e-diwar bhi de
log suraj ko hain mabud banane wale

dil ko aamada-e-tajdid-e-wafa kaise karun
ris rahe hain abhi nasur purane wale

yun to milte hain har ek jism pe be-dagh libas
uth gae dil pe magar dagh uthane wale

ghar mein ghar ki koi surat to nikalen 'abid'
aane wale hain kabhi ke nahin aane wale