gunjti wadi mein aawaz abhi baqi hai tar tute hain to kya saz abhi baqi hai phir zamin khinch rahi hai mujhe apni jaanib main rukun kaise ki parwaz abhi baqi hai maut se pahle meri maut ko likhne wale mere anjam ka aaghaz abhi baqi hai tu idhar hai ki nahin itna bata de mujh ko sare parde uthe par raaz abhi baqi hai waqt ne gard kiya phul se chehron ka jamal par ada baqi hai andaz abhi baqi hai