hai jo munsif wahi qatil thahra adl ka milna to mushkil thahra tujh se milte hi laga yun jaise tera milna hi to hasil thahra tujh ko kyon dhundti qarya qarya tera maskan to mera dil thahra rashk hota hai mujhi se mujh ko tu meri ruh mein shamil thahra raqs jari hai tajalli ka jahan han wo mahfil to mera dil thahra gham nahin 'zarrin' talatum ka mujhe azm jo ab mera sahil thahra