hai taswir hazir mulaqat kar lo
hai pesh-e-nazar is se har baat kar lo

khilaf-e-tawaqqoa na ho lab pe shikwa
khushi se basar hijr ki raat kar lo

rukh-e-mah-e-taban se chilman hata kar
mohabbat ki is se har ek baat kar lo

hudud-e-talluq ko ek dam mita kar
badhe hausle se mulaqat kar lo

hai mehman kabhi mezban bhi banegi
yahi soch kar is se tum baat kar lo

agar shadman tum ko rahna hai 'kundan'
kisi khub-ru se mulaqat kar lo