hamare dil pe jo zakhmon ka bab likkha hai isi mein waqt ka sara hisab likkha hai kuchh aur kaam to hum se na ho saka lekin tumhaare hijr ka ek ek azab likkha hai suluk nashtaron jaisa na kijiye hum se hamesha aap ko hum ne gulab likkha hai tere wajud ko mahsus umr bhar hoga tere labon pe jo hum ne jawab likkha hai hua fasad to is mein nahin kisi ka qusur hawa-e-shahr ne mausam kharab likkha hai agar yaqin nahin to uthaiye tarikh hamara nam ba-sad-ab-o-tab likkha hai