hamein aamad-e-'mir' kal bha gai
tarah is mein majnun ki sab pa gai

kahan ka ghubar-e-ah dil mein ye tha
meri khak badli si sab chha gai

kya pas bulbul-e-khizan ne na kuchh
gul-o-barg be-dard phaila gai

hui samne yun to ek ek ke
hamein se wo kuchh aankh sharma gai

jigar munh tak aate nahin bolte
gharaz hum bhi karte hain kya kya gai

na ham-rah koi na kasi se gaya
meri lash ta-gor tanha gai

ghata shama san kyun na jaun chala
tab-e-gham jigar ko mere kha gai

koi rahne wali hai jaan aziz
gai gar na imroz farda gai

kiye dast-o-pa gum jo 'mir' aa gaya
wafa-pesha majlis use pa gai