hamein to sahil-e-dariya ki pyas hona tha sukut-e-hijr ka ek gham-shanas hona tha khula hai is tarah ab ke nai ruton ka bharam zamin ko itna kahan be-libas hona tha unhen bhi waqt ne patthar bana diya jin ko hamare ahd ka aadam-shanas hona tha pahan ke mujh ko ek roz tamanna ka libas lahu lahu koi taswir-e-yas hona tha bhatak rahe ho kahan dost apne markaz se tumhein to 'faiz' ke dil ke hi pas hona tha