hamesha tang raha mujh pe zindagi ka libas kabhi khila na mere jism par khushi ka libas hasin phulon ki sohbat mein aur kya hota ulajh ke rah gaya kanton mein zindagi ka libas jo jal gaya hai wahi jaanta hai apni jalan kisi ke jism pe atta nahin kisi ka libas ye kya sitam kiya tum ne to chaak kar dala zara zara sa masakna tha dosti ka libas sambhal sambhal ke chalo ehtiyat se pahno bade nasib se milta hai aadmi ka libas libas-e-dar se mujh ko darane walo suno pahan ke aaj main aaya hun khud-kushi ka libas wo ek faqir tha jis ne utar phenka tha safed-poshon ke munh par tawangari ka libas