har tamanna puri kar de jo hamare dil mein hai aane wale ab to aa ja zindagi mushkil mein hai kis tarah bhulenge tujh ko bhulna mumkin nahin teri yaadon ka diya raushan hamare dil mein hai hasrat-o-ummid ke is bar shayad gul khilen dekh wo ghuncha-dahan jaan-e-chaman mahfil mein hai yun to kahne ko use kahti hai duniya be-gunah khun-e-dil ka dagh lekin daman-e-qatil mein hai dekhna ai 'dard' ho jaenge dil kitne asir zulf-e-pechan aaj wo khole hue mahfil mein hai