hargiz mera wahshi na hua ram kisi ka
wo subh ko hai yar mera sham kisi ka

is hasti-e-mauhum mein hargiz na khuli chashm
malum kisi ko nahin anjam kisi ka

itna koi kah de ki mera yar kahan hai
billah main lene ka nahin nam kisi ka

hone de mera chaak gareban mere naseh
nikle mere hathon se bhala kaam kisi ka

nahaq ko 'fughan' ke tain tashhir kiya hai
duniya mein na howe koi badnam kisi ka