hijr ki shab mein qaid kare ya subh-e-visal mein rakkhe
achchha maula teri marzi to jis haal mein rakkhe

khel ye kaisa khel rahi hai dil se teri mohabbat
ek pal ki sarshaari de aur dinon malal mein rakkhe

main ne sari khushbuen aanchal se bandh ke rakkhin
shayad in ka zikr tu apne kisi sawal mein rakkhe

kis se tere aane ki sargoshi ko sunte hi
main ne kitne phul chune aur apni shaal mein rakkhe

mushkil ban kar tut padi hai dil par ye tanhai
ab jaane ye kab tak us ko apne jal mein rakkhe