hissa-e-dard wirasat se ziyaada hi mila
mujh ko shayad meri qismat se ziyaada hi mila

gham zamane ka zara sa hi kharida tha magar
mal mujh ko meri qimat se ziyaada hi mila

wo siyasat ne diye hon ki mohabbat ne teri
dil ko har zakhm zarurat se ziyaada hi mila

log jannat ke talabgar hain lekin ai man
tu mili to mujhe jannat se ziyaada hi mila

lakh tadbir ne khushiyon ko manaya lekin
ranj taqdir ko rahat se ziyaada hi mila