hoshyar kar raha hai gajar jagte raho ai sahiban-e-fikr-o-nazar jagte raho dasht-e-shab-e-siyah mein sunte hain shab-parast rokenge karwan-e-sahar jagte raho zulmat kahin na kar de ujale ko dagh-dar le kar charagh-e-dida-e-tar jagte raho soe nahin ki dub gai nabz-e-kaenat bojhal ho lakh aankh magar jagte raho khwabida apne chahne walon ko dekh kar mumkin hai laut jae sahar jagte raho