hue aazim-e-mulk-e-adam jo 'hawas' to khushi ye hui thi ki gham se chhute par faragh alam se na wan bhi mila wan gham ye hua ki wo hum se chhute kabhi dair mein the kisi but pe fida kabhi kabe mein karte ja ke dua tere kuche mein baithe to khub hua ki kashakash-e-dair-o-haram se chhute yahi kahti thi laili-e-parda-nashin ki firaq ki ab use tab nahin milun us se main ta mera qais-e-hazin gham-e-hijr ke dard-o-alam se chhute main hua bhi jo bismil-e-tegh-e-jafa wale baqi hai dil mein abhi ye wafa ki yaqin hai lahu mera ja-e-hina jo lage to na pa-e-sanam se chhute na ho basta-e-chin-e-kamand-o-rasan rahe bhagta hai wo ba-dasht-e-khutan teri chashm ho us pe jo saya-fagan kabhi pa-e-ghazal na ram se chhute na kyun shaki hon bakht-e-siyah se hum ki wo madin-e-shafqat-o-lutf-o-karam kare nala-e-shauq jo hum ko raqam to syahi na nok-e-qalam se chhute mujhe rah mein mile the wo bandhe kamar chale jate the bagh ko waqt-e-sahar unhen lata pakad mujhe kis ka tha dar pa fareb ke qaul-o-qasam se chhute hue khauf se gosha-guzin asas gaya sina pilang-e-falak ka jhulas shab-e-hijr mein yaro baghair-e-'hawas' mere nale jo sher ajam se chhute