hujra-e-zat ki wahshat se sukun nikla hai ashk nikla ki mera zakhm-e-darun nikla hai main abhi sar ko patakhta hun yahi sochta hun kaise nikla tu meri zat se kyon nikla hai ab main jaana ye inayat mere dost ki hain main samajhta tha mera bakht nigun nikla hai ek diwar bhi uthni hai abhi apne bich ibtida hai ye abhi ek sutun nikla hai sochte sochte wo dil mein hua takht-nashin bolte bolte hi kun-fayakun nikla hai