hum agar dariya ki maujon se rawani mangte
phir to sukhe ped bhi baadal se pani mangte

dil mein ek shoala hai jis ko zinda rakhne ke liye
tujh se ya-rab hum hain umr-e-jawedani mangte

log nashshe se agar hushiyar ho pate to phir
zindagi ka lamha lamha dastani mangte

is tarah ghut ghut ke marne se to behtar tha ki log
ek hi din kash marg-e-na-gahani mangte

apne ghar aane ki fursat bhi to yaro chahiye
khud se mil pate to hum yaaden purani mangte