hum shahar-e-nutq ke the wahin ke nahin rahe
wo chup lagi hamein ki kahin ke nahin rahe

hum khwab dekhte the bahut aasman ke
aakhir mein ye hua ki zamin ke nahin rahe

hum mein the jaane kaun se kante uge hue
sab ke rahe hain aap hamin ke nahin rahe

dil ko jhuka ke dil se ada kar diye gae
sajde rahin sirf jabin ke nahin rahe

do-chaar log mere hon mere liye bahut
sau fisadi to arsh-nashin ke nahin rahe