is kharabi ki koi had hai ki mere ghar se
sang uthae dar-o-diwar nikal aate hain

kya qayamat hai ki dar-qafila-e-rahraw-e-shauq
kuchh qayamat ke bhi hamwar nikal aate hain

itna hairan na ho meri ana par pyare
ishq mein bhi kai khuddar nikal aate hain

is qadar khasta-tani hai ki gale milte hue
us ki banhon se bhi hum par nikal aate hain

juz tere khud bhi main taslim nahin hun khud ko
dil se puchhun bhi to inkar nikal aate hain