ishq mein har bala ko aane do mujh ko mera maqam pane do guzri baaton ko kaise jaane dun ahd-e-mazi ko yaad aane do marhalon se gurez kya manea himmat-e-zist ko badhane do khud samajh lenge dil ko wo mere un ko dil ke qarib aane do kal unhen bhi to phul banna hai aaj ghunchon ko muskurane do un ki dariya-dili ko dekhen hum aaj daman hamein badhane do jin ko 'raje' qarib samjha hai wo satate hain to satane do