ja rahi hai bahaar phulon ki hai qaba tar tar phulon ki sinchiye pahle khun-e-dil se chaman dekhiye phir bahaar phulon ki un ke honton pe muskuraati hai muskurahat hazar phulon ki kis qadar talkh ye haqiqat hai ham-nashini-e-khar phulon ki jis ko kahte hain hum bahaar-o-khizan wo to hai jit haar phulon ki sach bata kyon khamosh hai bulbul ai saba raaz-dar phulon ki hai khizan mein bhi jaise aawara nikhat-e-be-qarar phulun ki kya qafas mein bhi gul khilaegi yaad yun bar bar phulon ki 'tahira' aaj tere sheron mein hai mahak be-shumar phulon ki