jab se dekha janab ka chehra dil ko bhaya na dusra chehra aap ko dekh kar ye bhed khula kis ko kahte hain chand sa chehra be-sabab chand baam par aaya sab ki nazron mein tha tera chehra husn dekho na ho kabhi ruswa dur se un ka dekhna chehra padhte padhte hayat bit gai kitni lambi kitab tha chehra hon nigahen jo dekhne wali dil ka hota hai aaina chehra sar to sajde mein jhuk gaya lekin tha nigahon mein yar ka chehra aaj baithe hain bazm mein ghammaz un ke chehre se tu hata chehra chehre chehre chahaar-su chehre tujh sa lekin kahan dikha chehra kis tarah log hain laga lete ek chehre pe nit-naya chehra hashr mein kaise le ke jaoge apna kalikh-bhara 'sada' chehra