jigar ko dagh main manind-e-lala kya karta labaalab apne lahu ka piyala kya karta mila na sarw ko kuchh apni rasti mein phal kulah kaj jo na karta to lala kya karta jarida mein rah-e-pur-khun-e-ishq se guzra jaras se qafile mein bahs-e-nala kya karta junun-e-ishq mein rahna tha imtiyaz na kuchh chakor tauq-e-gulu mah ka haala kya karta bacha kiya use toda jo sar se dariya ke habab le ke ye khali piyala kya karta na khaya ghussa kabhi khwanche se qismat ke phanse jo halq mein main wo niwala kya karta bala-e-bad hui daghon se sardi-e-kafur suluk nek zaraat se zhaala kya karta diya nawishta na us but ko dil ke tude mein khuda ke ghar ka bhala main qabaala kya karta safa hua na riyazat se nafs-e-ammara koi najasat-e-sag ka izala kya karta lagi hai aag jo kambal kabhi udaya hai tere barahna se garmi do-shaala kya karta na karti aql agar muft aasman ki sair koi ye sath waraq ka risala kya karta meri taraf jo unhen khinchti kashish dil ki buton ko brahmanon ka hawala kya karta kisi ne mol na puchha dil-e-shikasta ka koi kharid ke tuta piyala kya karta urus-e-dahr se bu-e-wafa nahin aati bhala jigar ka main us ke izala kya karta mah-e-do-hafta bhi hota to lutf tha 'atish' akele pi ke sharab-e-do-sala kya karta