jin ka kirdar sahifon ki tarah hota hai tazkira un ka hadison ki tarah hota hai shab-e-furqat teri aankhon se chhalakta hua dard phul par os ke qatron ki tarah hota hai wadi-e-fikr mein bikhra hua harfon ka wajud dast-e-qirtas pe chhaalon ki tarah hota hai ruthna aur machalna kabhi gum-sum rahna aadmi ishq mein bachchon ki tarah hota hai tutti raaton ka bikhra hua sannata bhi dasht mein udte bagulon ki tarah hota hai