jin se gham intiha ke milte hain
un se hum muskura ke milte hain

wo jo khud chal ke aa nahin pate
un se hum log ja ke milte hain

apna-pan uth gaya hai duniya se
log daman bacha ke milte hain

rah-e-raushan ke jo musafir hain
sab se wo sar utha ke milte hain

ahl-e-danish ki aastin mein bhi
dekhiye but ana ke milte hain

un se lazzat kashid karti hun
dukh jo ghazlen suna ke milte hain