jis shakhs ko dekho wahi sargarm-e-safar hai duniya kahin viran na ho jae ye dar hai laegi kabhi rang hawaon ki mohabbat hum jis mein basar karte hain wo ret ka ghar hai sahra mein kisi sae ki ummid na tuti hasrat ki nigahon mein bagula bhi shajar hai nikli hai gumanon se yahi shakl yaqin ki jis samt ude gard wahi rahguzar hai mahtab to nikla hi nahin dub ke 'fakhir' lekin mere dariya mein wahi madd-o-jazar hai