jitna chahungi tum wahan tak ho
ab batao ki tum kahan tak ho

na-rasai hi jag-hansai hai
han rasai ki tum kaman tak ho

baat achchhi bhi hai magar phir bhi
is budhape mein tum jawan tak ho

apni mauj-e-hawas ke arse mein
tuti kashti ke baadban tak ho

aaj ke daur mein makan kaisa
aasmanon ke aasman tak ho

apni hasti mein bad-gumani thi
sans mein sans ke guman tak ho

umr ka hadisa shajar kya tha
ek kali ho to baghban tak ho

bad-gumani ka dol-dal ke dekh
arsh par tum faqat ziyan tak ho

mawara hai yahan na ma-siwa ko
tum jo baqi ho bas guman tak ho