jo apne aap ko sab kuchh samajh le
na jaane aap ko kab kuchh samajh le

mukarrar is liye samjha raha hun
bahut mumkin hai wo ab kuchh samajh le

nasihat ka tujhe tab haq milega
tu apne aap ko jab kuchh samajh le

dua ke baad bhi ye iltija hai
ziyaada kah gaya ab kuchh samajh le

yahan sab kuchh kise hasil hua hai
jo hasil hai use sab kuchh samajh le

taghaful ko na itna kaam mein la
guzar jaegi ye shab kuchh samajh le