jo din dhala to ajab bebasi ka manzar tha bahut se dhad the dhadon par kahin kahin sar tha ajab maqam pe sab chhod kar hue rukhsat koi na tha meri zad par main sab ki zad par tha main ret ret jo bikhra to ho gaya tahlil simat ke khud mein jo phaila to ek samundar tha hui sabhi se baghal-gir maslahat meri kisi kisi se mila wo jo mere andar tha qadam utha ke chali zindagi wahi thi meri jo thak ke baith gaya wo mera muqaddar tha jawab kyon nahin dete khandar khandar manzar ye mera shahr tha is mein kahin mera ghar tha