jo dusron ki khataen muaf karte hain dar-asl dil se kudurat wo saf karte hain har ek baat mein hami nahin bhari jati unhen gila hai ki hum ikhtilaf karte hain kabhi guman ki surat kabhi yaqin ke sath dilon ke raaz ka hum inkishaf karte hain hamein yaqin bhi dilate hain sath dene ka wo sazishen bhi hamare khilaf karte hain kahin bhi pyar se rahna unhen qubul nahin jahan bhi jate hain dil mein shigaf karte hain unhin se azmat-e-urdu bahaal hai 'raghib' jo guftugu mein ada shin qaf karte hain