jo is baras nahin agle baras mein de de tu
ye kaenat meri dastaras mein de de tu

sukun chahta hun main sukun chahta hun
khuli faza mein nahin to qafas mein de de tu

ye kya ki harf-e-dua pe bhi barf jamne lagi
koi sulagta sharara nafas mein de de tu

main donon kaam mein mashshaq hun magar mujh ko
zara tamiz to ishq o hawas mein de de tu

us ek shakhs ke sath ek umr rah lun main
agar ye sabit o sayyar bas mein de de tu