jo kabhi apne the wo hue dur hain hum bhi thak haar ke ho gae chur hain khub charche hain ab apne bhi ghairon mein kal jo badnam the aaj mashhur hain auron se karte hain hans ke wo baat yun kis kei aankhon ke wo ban gae nur hain zinda dil ban guzari hai ye zindagi jo hua pyar to kaise majbur hain kis ke wade pe hum ne bharosa kiya wo hain kahte jafaen to dastur hain maut sachchai hai aur use man kar un ke hathon hue qatl mashkur hain ye ladai bhi ab khud se hai ya khuda faisle tere sab hum ko manzur hain