jo khas-e-badan tha jala bahut kai nikhaton ki talash mein main tamam logon se mil chuka teri qurbaton ki talash mein teri aankh se meri aankh tak faqat ek manzar-e-khak hai wahi sham-e-tira-sarisht si mili muddaton ki talash mein koi khwab sar se pare raha ye safar sarab-e-safar raha main shanakht apni ganwa chuka gai suraton ki talash mein ye jo jhankti hai nafas nafas koi mauj-e-khun si uthi hui bane zindagi ki na qatl-gah kahin wahshaton ki talash mein mere zakhm ab tu siyega kya mere aansuon ko piyega kya tere zaiqe hi badal gae nai lazzaton ki talash mein