jo tumhaare lab-e-jaan-bakhsh ka shaida hoga uth bhi jaega jahan se to masiha hoga wo to musa hua jo talib-e-didar hua phir wo kya hoga ki jis ne tumhein dekha hoga qais ka zikr mere shan-e-junun ke aage agle waqton ka koi baadiya-paima hoga aarzu hai mujhe ek shakhs se milne ki bahut nam kya lun koi allah ka banda hoga lal-e-lab ka tere bosa to main leta hun magar dar ye hai khun-e-jigar baad mein pina hoga