joker nahin jo hansne-hansane ka kaam hai
wahshi ko khaara dasht ugane ka kaam hai

pahle main koele ki dukan par tha sab-ji
ab se khirad charagh banane ka kaam hai

tujh se nazar bacha kai hansenge tamam log
wo yun ki tera dil bhi dukhane ka kaam hai

main baadshah ban to gaya hun magar mara
fariyaadiyon ke panw dabane ka kaam hai

ujrat pe ek shakhs ko rakkha hai jis ka sarf
achchhe dinon ki yaad dilane ka kaam hai