kab tak hawa-e-shauq se dil ko bachaiye mausam ka jo bhi mashwara ho man jaiye pi hai agar sharab to kuchh lutf uthaiye kyon itni ehtiyat zara ladkhadaiye lene na degi chain mohabbat ki tez aanch chhinton se us ko aaj hawas ke bujhaiye itna lihaz ruh ka aur itni farbahi jhuta hai shaikh baaton mein us ki na aaiye wo ba-wafa nahin na sahi khush-ada to hai gar kuchh nahin to hazz-e-nazar hi uthaiye waiz bayan-e-khuld bahut khub hai magar ek roz us ki bazm mein bhi ho ke aaiye