kabhi khurshid-e-ziya-bar hun main
kabhi saya pas-e-diwar hun main

ye jo kuchh rang meri zat mein hain
kaun samjhega ki dushwar hun main

na-rasida hai abhi meri mahak
shakh-e-nau-khez digar ambar hun main

hai koi naz uthane wala
ek tuta hua pindar hun main

log yun bach ke guzar jate hain
jaise girti hui diwar hun main

main ne mana ki bahut talkh hun 'shauq'
apna pairaya-e-izhaar hun main