kaghaz kab tak dhyan mein rakkha jaega
aakhir kude-dan mein rakkha jaega

aankhon ki is bar rihai mumkin hai
khwabon ko zindan mein rakkha jaega

sab ko dil ke kamre tak kab laenge
kuchh logon ko lawn mein rakkha jaega

baaton se jab pet ka kamra bhar jae
to phir in ko kan mein rakkha jaega

jis ko chahe hont utha kar le jaen
lafzon ko maidan mein rakkha jaega

hum kab qabr ki mitti ke hath aaenge
hum ko to diwan mein rakkha jaega