kaun kahta hai ki wahshat mere kaam aai hai ye koi aur aziyyat mere kaam aai hai yunhi main tairta phirta nahin sahraon mein ek dariya ki nasihat mere kaam aai hai log diwana samajhte hi nahin the mujh ko meri bigdi hui haalat mere kaam aai hai warna jannat se kahan mujh ko nikala jata jo nahin ki wo ibaadat mere kaam aai hai aakhir-e-kar tera hijr mayassar aaya ab kahin ja ke mohabbat mere kaam aai hai