kaun se shauq kis hawas ka nahin
dil meri jaan tere bas ka nahin

rah tum karwan ki lo ki mujhe
shauq kuchh naghma-e-jaras ka nahin

han mera wo moamla hai ki ab
kaam yaran-e-nukta-ras ka nahin

hum kahan se chale hain aur kahan
koi andaza pesh-o-pas ka nahin

ho gai us gale mein umr tamam
pas shoale ko khar-o-khas ka nahin

mujh ko khud se juda na hone do
baat ye hai main apne bas ka nahin

kya ladai bhala ki hum mein se
koi bhi sainkadon baras ka nahin