khizan mili abhi tak kahin bahaar mile safar mein pyar ka mausam to ba-waqar mile main aise dar ka gada hun jahan pe moti kya hazar bar mujhe sang aab-dar mile khushi ka nur to ik-bargi mila hai tumhein hamein to gham ke andhere bhi qist-war mile teri chamak ka taqaza nahin zarurat hai tere khamir mein thoda sa inkisar mile ye aarzu hai ki ab raushni ke qisse hain mere charagh ko suraj ka eatibar mile main khush-nasib bahut hun ki mujh ko duniya mein qadam qadam pe mohabbat ke shahkar mile main aasmanon zaminon ki had mila dunga jo chaar-roz ka sach-much mein ikhtiyar mile