kho gai chand ki khushbu kaise
dhal gai zahr mein ku ku kaise

jam-dar-jam bahaaren utrin
chashm-e-shab kar gai jadu kaise

us ke honton pe tha muskan ka rang
us ki aankhon mein the aansu kaise

teri aankhon ke sahife sare
dafatan bujh gae na-zu kaise

dil kisi taur sanbhalta hi nahin
is pe pa jaun main qabu kaise

jin mein pinhan thin bahaaren 'sajid'
wo khizan ban gae gesu kaise