khud-nigar the aur mahw-e-did-e-husn-e-yar the hum ki apne ru-ba-ru shisha ki ek diwar the phir nigahon ne bune the chaar su khwabon ke jal su-ba-su phir rishta-gar wahm-o-guman ke tar the mukhtasar sa hai hamara qissa-e-shauq-e-safar abr-e-awara the hum lekin sar-e-kohsar the khanda-rez o girya-gin thi zakhm-e-khatir ki numud dur duniya ke tayyun se mere aazar the main sawad-e-dasht-e-tanhai ka phalta ped tha sabz zahr-e-be-kasi se mere barg-o-bar the bujh gaya tha dil hamara baad-e-sharh-e-arzu ji ki hum kahne gae to kushta-e-izhaar the raegan thi apni aab-o-tab bhi kya kya 'razi' hum ki ek be-marka aur be-adu talwar the